انیس ابر کی شاعری

انیس ابر کے اشعار

موت کی آرزو میں دیوانے

عمر بھر زندگی سے لڑتے ہیں

تجھ پہ جمی ہیں سب کی نظریں

تیری نظر میں کون رہے گا

لفظ یوں خامشی سے لڑتے ہیں

جس طرح غم ہنسی سے لڑتے ہیں

میں مسکراتا مگر دی نہ اشک نے مہلت

خوشی جب ایک ملی ساتھ غم ہزار ملے

ابرؔ دنیا کو چھوڑ جانے کا

اک بہانہ تلاش کرنا ہے

کیوں ہاتھ دل سے لگاتے ہو بار بار اپنا

کیا دل میں اب بھی کوئی بے نظیر رہتا ہے

آج انساں کو تپتے صحرا میں

بہتا دریا تلاش کرنا ہے

پھر اہل عشق کی تخلیق ہوتی ہے پہلے

جنوں کی آگ میں برسوں خمیر رہتا ہے