bhalā.ī ye ki āzādī se ulfat tum bhī rakhte ho

burā.ī ye ki āzādī se ulfat ham bhī rakhte haiñ

bhalai ye ki aazadi se ulfat tum bhi rakhte ho

burai ye ki aazadi se ulfat hum bhi rakhte hain

Duub jaate haiñ umīdoñ ke safīne is meñ

maiñ na mānūñgā ki aañsū hai zarā sā paanī

Dub jate hain umidon ke safine is mein

main na manunga ki aansu hai zara sa pani

kis tarah duur hoñ ālām-e-ġharīb-ul-vatanī

zindagī ḳhud bhī ġharīb-ul-vatanī hotī hai

kis tarah dur hon aalam-e-gharib-ul-watani

zindagi KHud bhi gharib-ul-watani hoti hai

soz-e-ġham hī se mirī aañkh meñ aañsū aa.e

sochtā huuñ ki ise aag kahūñ yā paanī

soz-e-gham hi se meri aankh mein aansu aae

sochta hun ki ise aag kahun ya pani

vahī marne kī tamannā vahī jiine kī havas

na jafā.eñ tumheñ aa.iiñ na vafā.eñ aa.iiñ

wahi marne ki tamanna wahi jine ki hawas

na jafaen tumhein aain na wafaen aain