bazm-e-vafā sajī to ajab silsile hue

shikve hue na un se na ham se gile hue

bazm-e-wafa saji to ajab silsile hue

shikwe hue na un se na hum se gile hue

zindagī koh-e-be-sutūñ goyā

har nafas ek taisha-e-farhād

zindagi koh-e-be-sutun goya

har nafas ek taisha-e-farhad

ijz ke saath chale aa.e haiñ ham 'yazdānī'

koī aur un ko manā lene kā Dhab yaad nahīñ

ijz ke sath chale aae hain hum 'yazdani'

koi aur un ko mana lene ka Dhab yaad nahin

milā hai taptā sahrā dekhne ko

chale the ghar se dariyā dekhne ko

mila hai tapta sahra dekhne ko

chale the ghar se dariya dekhne ko

sham.a hogī sub.h tak baaqī na parvāne kī ḳhaak

ahl-e-mahfil kī zabāñ par dāstāñ rah jā.egī

shama hogi subh tak baqi na parwane ki KHak

ahl-e-mahfil ki zaban par dastan rah jaegi