merī āñkheñ aur dīdār aap kā

yā qayāmat aa ga.ī yā ḳhvāb hai

meri aankhen aur didar aap ka

ya qayamat aa gai ya KHwab hai

ai junūñ phir mire sar par vahī shāmat aa.ī

phir phañsā zulfoñ meñ dil phir vahī aafat aa.ī

ai junun phir mere sar par wahi shamat aai

phir phansa zulfon mein dil phir wahi aafat aai

dard-e-dil kitnā pasand aayā use

maiñ ne jab kī aah us ne vaah kī

dard-e-dil kitna pasand aaya use

main ne jab ki aah us ne wah ki

dil diyā jis ne kisī ko vo huā sāhib-e-dil

haath aa jaatī hai kho dene se daulat dil kī

dil diya jis ne kisi ko wo hua sahib-e-dil

hath aa jati hai kho dene se daulat dil ki

lab-e-nāzuk ke bose luuñ to missī muñh banātī hai

kaf-e-pā ko agar chūmūñ to mehñdī rañg laatī hai

lab-e-nazuk ke bose lun to missi munh banati hai

kaf-e-pa ko agar chumun to mehndi rang lati hai