use khilaunoñ se baḌh kar hai fikr roTī kī

hamāre daur kā bachcha janam se būḌhā hai

use khilaunon se baDh kar hai fikr roTi ki

hamare daur ka bachcha janam se buDha hai

koī column nahīñ hai hādsoñ par

bachā kar aaj kā aḳhbār rakhnā

koi column nahin hai hadson par

bacha kar aaj ka aKHbar rakhna

un ke lab par mirā gila hī sahī

yaad karne kā silsila to hai

un ke lab par mera gila hi sahi

yaad karne ka silsila to hai

vahī qātil vahī munsif banā hai

usī se faisla Thahrā huā hai

wahi qatil wahi munsif bana hai

usi se faisla Thahra hua hai

jahāñ tak paañv mere jā sake haiñ

vahīñ tak rāsta Thahrā huā hai

jahan tak panw mere ja sake hain

wahin tak rasta Thahra hua hai