وہ اب بھی دل دکھا دیتا ہے میرا

وہ میرا دوست ہے دشمن نہیں ہے

ایک دن لوٹ کر میں آؤں گا

ہو سکے انتظار کر لینا

وہ مرے ساتھ یوں رہا جیسے

کاٹتا ہو کوئی سزا جیسے

تمہارے ساتھ رہنے کے لئے بھی

ہمیں کوئی بہانہ چاہیے اب

تیرا افسانہ چھیڑ کر کوئی

آج جاگے گا رات بھر کوئی

کیا بھروسہ زندگی کا ہم کریں

آج ہم میں جان ہے کل ہو نہ ہو

سر محفل میں کیوں خاموش رہ کر

سبھی لوگوں کے تیور دیکھتا ہوں

توڑ کر وعدہ جا نہیں سکتا

وہ مرا دل دکھا نہیں سکتا

فاقے کا دن آج ہے عنبرؔ

اللہ کے مہمان بنے ہیں

اسے میں کیوں محبت سے نہ دیکھوں

وہ میرا پہلا پہلا پیار ٹھہرا

اس نے پوچھا ہے کیا محبت ہے

اب بھلا کیا جواب دوں اس کو