aisā ek maqām ho jis meñ dil jaisī vīrānī ho

yādoñ jaisī tez havā ho dard se gahrā paanī ho

aisa ek maqam ho jis mein dil jaisi virani ho

yaadon jaisi tez hawa ho dard se gahra pani ho

hai musībat meñ giraftār musībat merī

jo bhī mushkil hai vo mere liye āsānī hai

hai musibat mein giraftar musibat meri

jo bhi mushkil hai wo mere liye aasani hai

tire ġhurūr kī ismat-darī pe nādim huuñ

tire lahū se bhī dāman hai dāġhdār mirā

tere ghurur ki ismat-dari pe nadim hun

tere lahu se bhi daman hai daghdar mera

ujālā hai jo ye kaun-o-makāñ meñ

hamārī ḳhaak se laayā gayā hai

ujala hai jo ye kaun-o-makan mein

hamari KHak se laya gaya hai

vo aur hoñge jo kār-e-havas pe zinda haiñ

maiñ us kī dhuup se saaya badal ke aayā huuñ

wo aur honge jo kar-e-hawas pe zinda hain

main us ki dhup se saya badal ke aaya hun