sub.h-saverā daftar biivī bachche mahfil nīndeñ raat

yaar kisī ko mushkil bhī hotī hai is āsānī par

subh-sawera daftar biwi bachche mahfil ninden raat

yar kisi ko mushkil bhi hoti hai is aasani par

be-sabab kuchh bhī nahīñ hotā hai yā yuuñ kahiye

aag lagtī hai kahīñ par to dhuāñ hotā hai

be-sabab kuchh bhi nahin hota hai ya yun kahiye

aag lagti hai kahin par to dhuan hota hai

phislan ye kināroñ pa ye Thahrāv nadī kā

sab saaf ishāre haiñ ki gahrā.ī bahut hai

phislan ye kinaron pa ye Thahraw nadi ka

sab saf ishaare hain ki gahrai bahut hai

hañsnā ronā paanā khonā marnā jiinā paanī par

paḌhiye to kyā kyā likkhā hai dariyā kī peshānī par

hansna rona pana khona marna jina pani par

paDhiye to kya kya likkha hai dariya ki peshani par

ḳhayāl aayā hameñ bhī ḳhudā kī rahmat kā

sunā.ī jab bhī paḌī hai azaan pinjre meñ

KHayal aaya hamein bhi KHuda ki rahmat ka

sunai jab bhi paDi hai azan pinjre mein