ab to hāthoñ se lakīreñ bhī miTī jaatī haiñ

us ko kho kar to mire paas rahā kuchh bhī nahīñ

ab to hathon se lakiren bhi miTi jati hain

us ko kho kar to mere pas raha kuchh bhi nahin

maiñ zindagī ke safar meñ thā mashġhala us kā

vo DhūñD DhūñD ke mujh ko gañvā diyā kartā

main zindagi ke safar mein tha mashghala us ka

wo DhunD DhunD ke mujh ko ganwa diya karta

mirī nigāh kī vus.at bhī is meñ shāmil kar

mirī zamīn pe terā ye āsmāñ kam hai

meri nigah ki wusat bhi is mein shamil kar

meri zamin pe tera ye aasman kam hai

merī rusvā.ī agar saath na detī merā

yuuñ sar-e-bazm maiñ izzat se nikaltā kaise

meri ruswai agar sath na deti mera

yun sar-e-bazm main izzat se nikalta kaise

pahāḌ bhāñp rahā thā mire irāde ko

vo is liye bhī ki tesha mujhe uThānā thā

pahaD bhanp raha tha mere irade ko

wo is liye bhi ki tesha mujhe uThana tha