ham fitratan insāñ haiñ farishte to nahīñ haiñ

da.avā ye kareñ kaise ki laġhzish nahīñ karte

hum fitratan insan hain farishte to nahin hain

dawa ye karen kaise ki laghzish nahin karte

ham se vafā-shi.ār ko bhī tere rū-ba-rū

khānī paḌī vafā kī qasam tere shahr meñ

hum se wafa-shiar ko bhi tere ru-ba-ru

khani paDi wafa ki qasam tere shahr mein

kaisā maqām aayā mohabbat kī raah meñ

dil ro rahā hai merā magar aañkh tar nahīñ

kaisa maqam aaya mohabbat ki rah mein

dil ro raha hai mera magar aankh tar nahin

sach ye hai ham hī mohabbat kā sabaq paḌh na sake

varna an-paḌh to na the ham ko paḌhāne vaale

sach ye hai hum hi mohabbat ka sabaq paDh na sake

warna an-paDh to na the hum ko paDhane wale

shahr kī galiyoñ aur saḌkoñ par phirte haiñ māyūsī meñ

kaash koī 'anvar' se pūchhe aise be-ghar kitne haiñ

shahr ki galiyon aur saDkon par phirte hain mayusi mein

kash koi 'anwar' se puchhe aise be-ghar kitne hain