bas rañj kī hai dāstāñ unvān hazāroñ

jiine ke liye mar ga.e insān hazāroñ

bas ranj ki hai dastan unwan hazaron

jine ke liye mar gae insan hazaron

kahīñ surāġh nahīñ hai kisī bhī qātil kā

lahūluhān magar shahr kā nazāra hai

kahin suragh nahin hai kisi bhi qatil ka

lahuluhan magar shahr ka nazara hai

miltī hai ḳhushī sab ko jaise hī kahīñ se bhī

bhūlī hui bachpan kī tasvīr nikaltī hai

milti hai KHushi sab ko jaise hi kahin se bhi

bhuli hui bachpan ki taswir nikalti hai

sajde kā sabab jaan ke shīrīñ hai pareshāñ

farhād ne kah Daalā ke rab DhūñD rahā huuñ

sajde ka sabab jaan ke shirin hai pareshan

farhad ne kah Dala ke rab DhunD raha hun

usī pe sabr hai mujh ko har ek daur yahāñ

bahār aane se pahle ḳhizāñ se guzrā hai

usi pe sabr hai mujh ko har ek daur yahan

bahaar aane se pahle KHizan se guzra hai