dil meñ ab kuchh bhī nahīñ un kī mohabbat ke sivā

sab fasāne haiñ haqīqat meñ haqīqat ke sivā

dil mein ab kuchh bhi nahin un ki mohabbat ke siwa

sab fasane hain haqiqat mein haqiqat ke siwa

jahāñ meñ ham jise bhī pyaar ke qābil samajhte haiñ

haqīqat meñ usī ko ziist kā hāsil samajhte haiñ

jahan mein hum jise bhi pyar ke qabil samajhte hain

haqiqat mein usi ko zist ka hasil samajhte hain

mirī taqdīr se pahle sañvarnā jin kā mushkil hai

tirī zulfoñ meñ kuchh aise bhī ḳham mahsūs kartā huuñ

meri taqdir se pahle sanwarna jin ka mushkil hai

teri zulfon mein kuchh aise bhi KHam mahsus karta hun

tirī mahfil meñ farq-e-kufr-o-īmāñ kaun dekhegā

fasāna hī nahīñ koī to unvāñ kaun dekhegā

teri mahfil mein farq-e-kufr-o-iman kaun dekhega

fasana hi nahin koi to unwan kaun dekhega

tum pe ilzām na aa jaa.e safar meñ koī

rāsta kitnā hī dushvār ho Thahrā na karo

tum pe ilzam na aa jae safar mein koi

rasta kitna hi dushwar ho Thahra na karo