عظمت عبدالقیوم خاں کی شاعری

عظمت عبدالقیوم خاں کے اشعار

738
Favorite

باعتبار

مقبولیت

منزل پہ نظر آئی بہت دورئ منزل

بے ساختہ آنے لگے سب راہنما یاد

زندگانی کا لطف تو عظمتؔ

صرف طوفان کی پناہ میں ہے

یہ بات بھی ہے کہ تو بھی نہیں ہے اب میرا

یہ بات بھی ہے کہ تیرے سوا نہیں کوئی

روشنیوں کے شہر میں رہ کر

ہم اندھیروں سے روشناس رہے

موت پہروں اداس رہتی ہے

ہم اگر زندگی سے ملتے ہیں

غم امروز کا گلہ کیوں ہو

حسن فردا مری نگاہ میں ہے

شعور زندگی کی روشنی میں

شب غم بھی سحر سے کم نہیں ہے

پھول کس بے دلی سے ہنستے ہیں

آپ کس بے دلی سے ملتے ہیں

مسرور و مطمئن ہیں بہت تاجران وقت

کیا زندگی کے خواب بھی نیلام ہو گئے

اب زمانے سے اور کیا مانگوں

دولت غم بہت زیادہ ہے

پاس آئے تو کشش ہے نہ جمال رنگیں

دور سے پھول نظر آئے تھے خوش رو کتنے

تجربات غم سے عظمتؔ کو ملا

یہ شعور فن یہ انداز غزل

زندگی تیرگیٔ شب ہی نہیں

صبح کی روشنی بھی ہوتی ہے

کل یہ ممکن ہے کہ لہرائیں خوشی کے گیت بھی

ہر نظر میں آج اک خاموش سا عالم سہی

جو بجلیوں کی پناہوں میں تم بنا سکتے

تو اس قدر نہ تمہیں خوف آشیاں ہوتا

خدا جانے زمانہ آج کس حالت میں رہتا ہے

کہ ویرانوں سے بڑھ کر ہے چمن زاروں کی رسوائی

آباد میکدے بھی ہیں دیر و حرم بھی نہیں

لیکن نہ آدمی کو ملا کوئی آدمی

عظمت عبدالقیوم خاں

تمام

تعارف

ای-کتاب6

شعر17

غزل4

نظم2

ای-کتاب6

عظمت عبدالقیوم خاں کے اشعار

Recitation

join rekhta family!

Rekhta Foundation

Rekhta Dictionary

Sufinama

Hindwi

Rekhta Learning

Rekhta Books