din-rāt paḌā rahtā huuñ darvāze pe apne

is ġham meñ ki koī kabhī aatā thā idhar se

din-raat paDa rahta hun darwaze pe apne

is gham mein ki koi kabhi aata tha idhar se

shab-e-furqat nazar aate nahīñ āsār-e-sahar

itnī zulmat hai ruḳh-e-sham.a pe bhī nuur nahīñ

shab-e-furqat nazar aate nahin aasar-e-sahar

itni zulmat hai ruKH-e-shama pe bhi nur nahin

sar-ba-kaf hind ke jāñ-bāz-e-vatan laḌte haiñ

teġh-e-nau le saf-e-dushman meñ ghuse paḌte haiñ

sar-ba-kaf hind ke jaan-baz-e-watan laDte hain

tegh-e-nau le saf-e-dushman mein ghuse paDte hain

rahegā kis kā hissa beshtar mere miTāne meñ

ye bāham faisla pahle zamīn o āsmāñ kar leñ

rahega kis ka hissa beshtar mere miTane mein

ye baham faisla pahle zamin o aasman kar len

tere dīdār se maiñ aañkh uThā.ūñ kyūñkar

zulf se pā-e-nazar halqa-e-zanjīr meñ hai

tere didar se main aankh uThaun kyunkar

zulf se pa-e-nazar halqa-e-zanjir mein hai