kyuuñ ulajhte ho har ik baat pe 'beḳhud' un se

tum bhī nādān bane jaate ho nādān ke saath

kyun ulajhte ho har ek baat pe 'beKHud' un se

tum bhi nadan bane jate ho nadan ke sath

lazzat kabhī thī ab to musībat sī ho ga.ī

mujh ko gunāh karne kī aadat sī ho ga.ī

lazzat kabhi thi ab to musibat si ho gai

mujh ko gunah karne ki aadat si ho gai

nasheman phūñkne vaale hamārī zindagī ye hai

kabhī ro.e kabhī sajde kiye ḳhāk-e-nasheman par

nasheman phunkne wale hamari zindagi ye hai

kabhi roe kabhi sajde kiye KHak-e-nasheman par

us ke hāthoñ na milā chain mujhī ko dam bhar

mujh se le kar dil-e-betāb karoge kyā tum

us ke hathon na mila chain mujhi ko dam bhar

mujh se le kar dil-e-betab karoge kya tum

vahāñ ab saañs lene kī sadā aatī hai mushkil se

jo zindāñ gūñjtā rahtā thā āvāz-e-salāsil se

wahan ab sans lene ki sada aati hai mushkil se

jo zindan gunjta rahta tha aawaz-e-salasil se