dahshat-zada zamīñ par vahshat bhare makāñ ye

is shahr-e-be-amāñ kā āḳhir koī ḳhudā hai

dahshat-zada zamin par wahshat bhare makan ye

is shahr-e-be-aman ka aaKHir koi KHuda hai

dar badar kī ḳhaak thī taqdīr meñ

ham liye kāñdhoñ pe ghar chalte rahe

dar badar ki KHak thi taqdir mein

hum liye kandhon pe ghar chalte rahe

ḳhud pe ye zulm gavārā nahīñ hogā ham se

ham to sho.aloñ se na guzreñge na siitā samjheñ

KHud pe ye zulm gawara nahin hoga hum se

hum to shoalon se na guzrenge na sita samjhen

nahīñ hai ḳhvāb dīvāne kā hastī

ye duniyā sirf ik dhokā nahīñ hai

nahin hai KHwab diwane ka hasti

ye duniya sirf ek dhoka nahin hai

terī to 'bilqīs' nirālī hī bāteñ haiñ

is duniyā meñ kaise tirā guzārā hogā

teri to 'bilqis' nirali hi baaten hain

is duniya mein kaise tera guzara hoga