darinde saath rahnā chāhte haiñ aadmī ke

ghanā jañgal makānoñ tak pahuñchnā chāhtā hai

darinde sath rahna chahte hain aadmi ke

ghana jangal makanon tak pahunchna chahta hai

dekhnā ye hai ki jañgal ko chalāne ke liye

mashvara rīchh se aur chiil se hogā ki nahīñ

dekhna ye hai ki jangal ko chalane ke liye

mashwara richh se aur chil se hoga ki nahin

ḳhvāb kā kyā hai raat ke naqsh-o-nigār banāo

raat ke naqsh-o-nigār banāo ḳhvāb kā kyā hai

KHwab ka kya hai raat ke naqsh-o-nigar banao

raat ke naqsh-o-nigar banao KHwab ka kya hai

ek be-chehra musāfir rañg oḌhe

dhund meñ chalte hue dekhā gayā hai

ek be-chehra musafir rang oDhe

dhund mein chalte hue dekha gaya hai

shelf pe ulTā kar ke rakh do aur bisrā do

gul-dānoñ meñ phuul sajāo ḳhvāb kā kyā hai

shelf pe ulTa kar ke rakh do aur bisra do

gul-danon mein phul sajao KHwab ka kya hai