bijlī chamkī to abr royā

yaad aa ga.ī kyā hañsī kisī kī

bijli chamki to abr roya

yaad aa gai kya hansi kisi ki

dar pe nālāñ jo huuñ to kahtā hai

pūchho kyā chiiz bechtā hai ye

dar pe nalan jo hun to kahta hai

puchho kya chiz bechta hai ye

gar hamāre qatl ke mazmūñ kā vo naama likhe

baiza-e-faulād se nikleñ kabūtar saikḌoñ

gar hamare qatl ke mazmun ka wo nama likhe

baiza-e-faulad se niklen kabutar saikDon

gayā hai kūcha-e-kākul meñ ab dil

musalmāñ vārid-e-hindostāñ hai

gaya hai kucha-e-kakul mein ab dil

musalman warid-e-hindostan hai

har gaam pe hī saa.e se ik misra.a-e-mauzūñ

gar chand qadam chaliye to kyā ḳhuub ġhazal ho

har gam pe hi sae se ek misra-e-mauzun

gar chand qadam chaliye to kya KHub ghazal ho