baġhair samt ke chalnā bhī kaam aa hī gayā

fasīl-e-shahr ke bāhar bhī ek duniyā thī

baghair samt ke chalna bhi kaam aa hi gaya

fasil-e-shahr ke bahar bhi ek duniya thi

ek aañsū yaad kā Tapkā to dariyā ban gayā

zindagī bhar mujh meñ ek tūfān sā paltā rahā

ek aansu yaad ka Tapka to dariya ban gaya

zindagi bhar mujh mein ek tufan sa palta raha

kahiye ā.īna-e-sad-fasl-e-bahārāñ tujh ko

kitne phūloñ kī mahak hai tire pairāhan meñ

kahiye aaina-e-sad-fasl-e-bahaaran tujh ko

kitne phulon ki mahak hai tere pairahan mein

vo charāġh-e-zīst ban kar raah meñ jaltā rahā

haath meñ vo haath le kar umr bhar chaltā rahā

wo charagh-e-zist ban kar rah mein jalta raha

hath mein wo hath le kar umr bhar chalta raha

ye tilism-e-mausam-e-gul nahīñ ki ye mojaza hai bahār kā

vo kalī jo shāḳh se gir ga.ī vo sabā kī god meñ pal ga.ī

ye tilism-e-mausam-e-gul nahin ki ye mojaza hai bahaar ka

wo kali jo shaKH se gir gai wo saba ki god mein pal gai