chāñdnī chhuptī hai takyoñ ke tale āñkhoñ meñ ḳhvāb

sone meñ un kā dupaTTa jo sarak jaatā hai

chandni chhupti hai takyon ke tale aankhon mein KHwab

sone mein un ka dupaTTa jo sarak jata hai

guloñ kā daur hai bulbul maze bahār meñ luuT

ḳhizāñ machāegī aate hī is dayār meñ luuT

gulon ka daur hai bulbul maze bahaar mein luT

KHizan machaegi aate hi is dayar mein luT

karo bāteñ haTāo aa.ina bas ban chuke gesū

inhīñ jhagḌoñ hī meñ us din bhī kitnī raat aa.ī thī

karo baaten haTao aaina bas ban chuke gesu

inhin jhagDon hi mein us din bhi kitni raat aai thi

kisī sūrat se huī kam na hamārī tashvīsh

jab baḌhī dil se to āfāq meñ phailī tashvīsh

kisi surat se hui kam na hamari tashwish

jab baDhi dil se to aafaq mein phaili tashwish

tezī-e-bāda kujā talḳhī-e-guftār kujā

kund hai nashtar-e-sāqī se sinān-e-vā.iz

tezi-e-baada kuja talKHi-e-guftar kuja

kund hai nashtar-e-saqi se sinan-e-waiz