gumshudgī hī asl meñ yaaro rāh-numā.ī kartī hai

raah dikhāne vaale pahle barsoñ raah bhaTakte haiñ

gumshudgi hi asl mein yaro rah-numai karti hai

rah dikhane wale pahle barson rah bhaTakte hain

mile fursat to sun lenā kisī din

mirā qissa nihāyat muḳhtasar hai

mile fursat to sun lena kisi din

mera qissa nihayat muKHtasar hai

phuul afsurda bulbuleñ ḳhāmosh

fasl gul aa.ī hai ḳhizāñ-bar-dosh

phul afsurda bulbulen KHamosh

fasl gul aai hai KHizan-bar-dosh

us dushman-e-vafā ko duā de rahā huuñ maiñ

merā na ho sakā vo kisī kā to ho gayā

us dushman-e-wafa ko dua de raha hun main

mera na ho saka wo kisi ka to ho gaya

ye kis maqām pe laa.ī hai zindagī ham ko

hañsī laboñ pe hai siine meñ ġham kā daftar hai

ye kis maqam pe lai hai zindagi hum ko

hansi labon pe hai sine mein gham ka daftar hai