Hanif Tarin
Ghazal 11
Nazm 7
Sher-o-Shayari 7
bastī ke hassās diloñ ko chubhtā hai
sannāTā jab saarī raat nahīñ hotā
basti ke hassas dilon ko chubhta hai
sannaTa jab sari raat nahin hota
mahfil meñ phuul ḳhushiyoñ ke jo bāñTtā rahā
tanhā.ī meñ milā to bahut hī udaas thā
mahfil mein phul KHushiyon ke jo banTta raha
tanhai mein mila to bahut hi udas tha
rishte naate TuuTe phūTe lage haiñ
jab bhī apnā saaya saath nahīñ hotā
rishte nate TuTe phuTe lage hain
jab bhi apna saya sath nahin hota
paanī ne jise dhuup kī miTTī se banāyā
vo dā.era-e-rabt bigaḌne ke liye thā
pani ne jise dhup ki miTTi se banaya
wo daera-e-rabt bigaDne ke liye tha
har zaḳhm-e-kohnā vaqt ke marham ne bhar diyā
vo dard bhī miTā jo ḳhushī kī asaas thā
har zaKHm-e-kohna waqt ke marham ne bhar diya
wo dard bhi miTa jo KHushi ki asas tha
