Shayari of Husna Sarwar

dil ke āñgan meñ añdherā hai bahut

chāñd ban kar utar aao to sahī

dil ke aangan mein andhera hai bahut

chand ban kar utar aao to sahi

shahr-dar-shahr bhaTakte hī rahe umr tamām

kyā tire haath kī rekhāoñ meñ ārām nahīñ

shahr-dar-shahr bhaTakte hi rahe umr tamam

kya tere hath ki rekhaon mein aaram nahin

baiThe baiThe yuuñ hī tanhā.ī ke sahrāoñ meñ

dard kī ret pe likhte haiñ tirā naam aksar

baiThe baiThe yun hi tanhai ke sahraon mein

dard ki ret pe likhte hain tera nam aksar

jhiil meñ chāñdnī kā aks-e-jamīl

yā tirī yaad dil se guzrī hai

jhil mein chandni ka aks-e-jamil

ya teri yaad dil se guzri hai

maiñ apnī zaat meñ gum be-ḳhudī meñ rahtī huuñ

sabā kī tarah koī chheḌe gudgudā.e mujhe

main apni zat mein gum be-KHudi mein rahti hun

saba ki tarah koi chheDe gudgudae mujhe

chhan se ik mūrtī kahīñ TuuTī

haath ye kis ke thartharā.e haiñ

chhan se ek murti kahin TuTi

hath ye kis ke thartharae hain

jaagī kirneñ to sabze par jhilmil aañsū bol uThe

raat ko tanhā.ī meñ shabnam chupke chupke roī hai

jagi kirnen to sabze par jhilmil aansu bol uThe

raat ko tanhai mein shabnam chupke chupke roi hai

tirī nigāh meñ ye jo kiran sī kāñptī hai

dayār-e-dil meñ ye kaisā charāġh jaltā hai

teri nigah mein ye jo kiran si kanpti hai

dayar-e-dil mein ye kaisa charagh jalta hai

duur tak jāgtā hai sannāTā

kaun aatā hai itnī raat ga.e

dur tak jagta hai sannaTa

kaun aata hai itni raat gae

Husna Sarwar

ALL

Profile

E-book6

Sher9

Ghazal7

Nazm2

Geet1

E-book6

Sher of Husna Sarwar

Recitation

join rekhta family!

Rekhta Foundation

Rekhta Dictionary

Sufinama

Hindwi

Rekhta Learning

Rekhta Books