tire baġhair guzārā nahīñ kisī sūrat

use ye baat batāne se baat bigḌī hai

tere baghair guzara nahin kisi surat

use ye baat batane se baat bigDi hai

shaam hote hī tere hijr kā dukh

dil meñ ḳhema lagā ke baiTh gayā

sham hote hi tere hijr ka dukh

dil mein KHema laga ke baiTh gaya

apne lahje pe ġhaur kar ke batā

lafz kitne haiñ tiir kitne haiñ

apne lahje pe ghaur kar ke bata

lafz kitne hain tir kitne hain

shahr meñ thī nā-sāz tabī.at beTe kī

gaañv meñ baiThī maañ ne khānā chhoḌ diyā

shahr mein thi na-saz tabiat beTe ki

ganw mein baiThi man ne khana chhoD diya

tere qadmoñ meñ aa ke girnā hai

jis bulandī pe bhī uchhāl mujhe

tere qadmon mein aa ke girna hai

jis bulandi pe bhi uchhaal mujhe