زندگی کچھ تو بھرم رکھ لے وفاداری کا

تجھ کو مر مر کے شب و روز سنوارا ہے بہت

میں تو قابل نہ تھا ان کے دیدار کے

ان کی چوکھٹ پہ میری خطا لے گئی

سمندر کی طرح وسعت ہو جس میں

وہ قطرہ بحر ہے قطرہ نہیں ہے

حریفوں کی طرف داری سے اپنا پن کا دم ٹوٹا

بڑھی کچھ اور جب دوری تو قربت کا بھرم ٹوٹا

جو توڑ دو گے مجھے تم بھی ٹوٹ جاؤ گے

کہ ارتباط سلاسل کی اک کڑی ہوں میں

ہمیں جو فکر کی دعوت نہ دے سکے کوثرؔ

وہ شعر شعر تو ہے روح شاعری تو نہیں

کیا دل کی پیاس تھی کہ بجھائی نہ جا سکی

بادل نچوڑ کے نہ سمندر تراش کے

تنور وقت کی حدت سے ڈر گئے ہم بھی

مگر تپش میں تپے تو نکھر گئے ہم بھی