ā.īne meñ aur āb-e-ravāñ meñ thā tirā aks

shāyad ki mirā dīda-e-tar terī taraf thā

aaine mein aur aab-e-rawan mein tha tera aks

shayad ki mera dida-e-tar teri taraf tha

guzrī jo rahguzar meñ use darguzar kiyā

aur phir ye tazkira kabhī jā kar na ghar kiyā

guzri jo rahguzar mein use darguzar kiya

aur phir ye tazkira kabhi ja kar na ghar kiya

kab tak ai bād-e-sabā tujh se tavaqqo rakkhūñ

dil tamannā kā shajar hai to harā ho bhī chukā

kab tak ai baad-e-saba tujh se tawaqqo rakkhun

dil tamanna ka shajar hai to hara ho bhi chuka

maiñ ne pūchhā ki koī dil-zadagāñ kī hai misāl

kis tavaqquf se kahā us ne ki haañ tum aur maiñ

main ne puchha ki koi dil-zadagan ki hai misal

kis tawaqquf se kaha us ne ki han tum aur main

nahīñ ehsās tum ko rā.egānī kā hamārī

suhulat se tumheñ shāyad mayassar ho ga.e haiñ

nahin ehsas tum ko raegani ka hamari

suhulat se tumhein shayad mayassar ho gae hain