afsos jin ke dam se har ik sū haiñ nafrateñ

ham ne ta.alluqāt unhīñ se baḌhā liye

afsos jin ke dam se har ek su hain nafraten

hum ne talluqat unhin se baDha liye

ḳhizāñ kā zikr to merī zabāñ pe thā hī nahīñ

bahār kartī hai mātam tire havāle se

KHizan ka zikr to meri zaban pe tha hi nahin

bahaar karti hai matam tere hawale se

maiñ jab bhī tajziya kartā huuñ terā ai duniyā

is ā.īñe meñ tujhe bad-chalan sī paatā huuñ

main jab bhi tajziya karta hun tera ai duniya

is aaine mein tujhe bad-chalan si pata hun

merī āñkheñ kuchh soī sī rahtī haiñ

shāyad in kā ḳhvāb-nagar se rishta hai

meri aankhen kuchh soi si rahti hain

shayad in ka KHwab-nagar se rishta hai

yaad rakkho ik na ik din saañp bāhar ā.eñge

āstīnoñ meñ unheñ kab tak chhupāyā jā.egā

yaad rakkho ek na ek din sanp bahar aaenge

aastinon mein unhen kab tak chhupaya jaega