aaj kyā jaane vo kyuuñ ārām-e-jāñ aayā nahīñ

harf-e-ranjish kal to koī darmiyāñ aayā nahīñ

aaj kya jaane wo kyun aaram-e-jaan aaya nahin

harf-e-ranjish kal to koi darmiyan aaya nahin

baiTh kar masjid meñ rindoñ se na itnā bigaḌiye

shaiḳh-jī aate ho maiḳhāne ke bhī akasr taraf

baiTh kar masjid mein rindon se na itna bigaDiye

shaiKH-ji aate ho maiKHane ke bhi akasr taraf

huā āvāra hindostāñ se 'lutf' aage ḳhudā jaane

deccan ke sāñvloñ ne maarā yā inglan ke goroñ ne

hua aawara hindostan se 'lutf' aage KHuda jaane

deccan ke sanwlon ne mara ya inglan ke goron ne

ham aur farhād bahr-e-ishq meñ bāham hī kuude the

jo us ke sar se guzrā aab merī tā-kamar aayā

hum aur farhad bahr-e-ishq mein baham hi kude the

jo us ke sar se guzra aab meri ta-kamar aaya

yaad ne un tañg kūchoñ kī fazā sahrā kī dekh

har qadam par jaan maarī hai dil-e-nākām kī

yaad ne un tang kuchon ki faza sahra ki dekh

har qadam par jaan mari hai dil-e-nakaam ki