ham lab-e-gor ho ga.e zālim

tū lab-e-bām kyuuñ nahīñ aatā

hum lab-e-gor ho gae zalim

tu lab-e-baam kyun nahin aata

ḳhizāñ ruḳhsat huī phir āmad-e-fasl-e-bahārī hai

garebāñ ḳhud-baḳhud hone lagā hai dhajjiyāñ merā

KHizan ruKHsat hui phir aamad-e-fasl-e-bahaari hai

gareban KHud-baKHud hone laga hai dhajjiyan mera

kuchh kahānī nahīñ mirā qissa

tum suno aur kahā kare koī

kuchh kahani nahin mera qissa

tum suno aur kaha kare koi

mohabbat is liye zāhir nahīñ kī

ki tum ko e'tibār aa.e na aa.e

mohabbat is liye zahir nahin ki

ki tum ko e'tibar aae na aae

na pūchhā us masīhā se kisī ne

tire bīmār kī bhī kuchh davā hai

na puchha us masiha se kisi ne

tere bimar ki bhi kuchh dawa hai