ḳhafā bhī ho ke jo dekhe to sar nisār karūñ

agar na dekhe to phir bhī hai ik salām se kaam

KHafa bhi ho ke jo dekhe to sar nisar karun

agar na dekhe to phir bhi hai ek salam se kaam

dair se ka.aba ga.e ka.aba se ma.abadgāh meñ

ḳhaak bhī paayā nahīñ dair-o-haram kī raah meñ

dair se kaba gae kaba se mabadgah mein

KHak bhi paya nahin dair-o-haram ki rah mein

chhoḌ deñ dair-o-haram kufr aur islām ke log

ka.aba-e-dil meñ jo dekheñ mire but-ḳhāna-e-ishq

chhoD den dair-o-haram kufr aur islam ke log

kaba-e-dil mein jo dekhen mere but-KHana-e-ishq

ba.ad muddat gardish-e-tasbīh se 'miskīñ' hameñ

dāna-e-tasbīh meñ zunnār aatā hai nazar

baad muddat gardish-e-tasbih se 'miskin' hamein

dana-e-tasbih mein zunnar aata hai nazar

raah se dair-o-haram kī hai jo kū-e-yār meñ

hai vahī dīñ-dār gar kuffār aatā hai nazar

rah se dair-o-haram ki hai jo ku-e-yar mein

hai wahi din-dar gar kuffar aata hai nazar