har vaqt kā hañsnā tujhe barbād na kar de

tanhā.ī ke lamhoñ meñ kabhī ro bhī liyā kar

har waqt ka hansna tujhe barbaad na kar de

tanhai ke lamhon mein kabhi ro bhi liya kar

kaun sī baat hai tum meñ aisī

itne achchhe kyuuñ lagte ho

kaun si baat hai tum mein aisi

itne achchhe kyun lagte ho

yuuñ dekhte rahnā use achchhā nahīñ 'mohsin'

vo kāñch kā paikar hai to patthar tirī āñkheñ

yun dekhte rahna use achchha nahin 'mohsin'

wo kanch ka paikar hai to patthar teri aankhen

sirf hāthoñ ko na dekho kabhī āñkheñ bhī paḌho

kuchh savālī baḌe ḳhuddār huā karte haiñ

sirf hathon ko na dekho kabhi aankhen bhi paDho

kuchh sawali baDe KHuddar hua karte hain

tumheñ jab rū-ba-rū dekhā kareñge

ye sochā hai bahut sochā kareñge

tumhein jab ru-ba-ru dekha karenge

ye socha hai bahut socha karenge