garmī-e-husn kī mid.hat kā silā lete haiñ

mish.aleñ aap ke saa.e se jalā lete haiñ

garmi-e-husn ki midhat ka sila lete hain

mishalen aap ke sae se jala lete hain

ho gayā huuñ maiñ naqāb-e-rū-e-raushan par faqīr

chāhiye tah-band mujh ko chādar-e-mahtāb kā

ho gaya hun main naqab-e-ru-e-raushan par faqir

chahiye tah-band mujh ko chadar-e-mahtab ka

kalkatta meñ har dam hai 'munīr' aap ko vahshat

har koThī meñ har bañgle meñ jañglā nazar aayā

kalkatta mein har dam hai 'munir' aap ko wahshat

har koThi mein har bangle mein jangla nazar aaya

kufr-o-islām meñ tauleñ jo haqīqat terī

but-kada kyā ki haram sañg-e-tarāzū ho jaa.e

kufr-o-islam mein taulen jo haqiqat teri

but-kada kya ki haram sang-e-taraazu ho jae

terī furqat meñ sharāb-e-aish kā toḌā huā

jām-e-mai dast-e-subū ke vāste phoḌā huā

teri furqat mein sharab-e-aish ka toDa hua

jam-e-mai dast-e-subu ke waste phoDa hua