ai dil na kar qubūl mire dil na kar qubūl

manzil shikast-e-shauq hai manzil na kar qubūl

ai dil na kar qubul mere dil na kar qubul

manzil shikast-e-shauq hai manzil na kar qubul

be-ḳhudī meñ shān-e-ḳhuddārī bhī hai

ḳhvāb meñ ehsās-e-bedārī bhī hai

be-KHudi mein shan-e-KHuddari bhi hai

KHwab mein ehsas-e-bedari bhi hai

dhokā thā jis pe mauj-e-nasīm-e-bahār kā

ik sail-e-be-panāh thā barq-o-sharār kā

dhoka tha jis pe mauj-e-nasim-e-bahaar ka

ek sail-e-be-panah tha barq-o-sharar ka

dil dhaḌaktā hai sitāroñ kā yahāñ

uf ye duniyā kis qadar tārīk hai

dil dhaDakta hai sitaron ka yahan

uf ye duniya kis qadar tarik hai

na samjhā koī asrār-e-mohabbat

jo samjhā kuchh dil-e-nādān samjhā

na samjha koi asrar-e-mohabbat

jo samjha kuchh dil-e-nadan samjha