ghuTan taḌpan udāsī ashk rusvā.ī akelā-pan

baġhair in ke adhūrī ishq kī har ik kahānī hai

ghuTan taDpan udasi ashk ruswai akela-pan

baghair in ke adhuri ishq ki har ek kahani hai

sochtā huuñ ye soch kar maiñ use

vo bhī aise hī sochtā hai mujhe

sochta hun ye soch kar main use

wo bhi aise hi sochta hai mujhe

gar na samjhā to 'nīraj' lagegī kaThin

zindagī ko jo samjhā to āsān hai

gar na samjha to 'niraj' lagegi kaThin

zindagi ko jo samjha to aasan hai

mushkiloñ meñ muskurānā sīkhiye

phuul banjar meñ ugānā sīkhiye

mushkilon mein muskurana sikhiye

phul banjar mein ugana sikhiye

ajab ye daur aayā hai ki jis meñ

ġhalat kuchh bhī nahīñ sab kuchh sahī hai

ajab ye daur aaya hai ki jis mein

ghalat kuchh bhi nahin sab kuchh sahi hai