jī hai ye bin lage nahīñ rahtā

kuchh to ho shaġhl-e-āshiqī hī sahī

ji hai ye bin lage nahin rahta

kuchh to ho shaghl-e-ashiqi hi sahi

ḳhudā se Darte to ḳhauf-e-ḳhudā na karte ham

ki yād-e-but se haram meñ bukā na karte ham

KHuda se Darte to KHauf-e-KHuda na karte hum

ki yaad-e-but se haram mein buka na karte hum

kyā ḳhāna-ḳharāboñ kā lage tere Thikānā

us shahr meñ rahte haiñ jahāñ ghar nahīñ hotā

kya KHana-KHarabon ka lage tere Thikana

us shahr mein rahte hain jahan ghar nahin hota

tū hai harjā.ī to apnā bhī yahī taur sahī

tū nahīñ aur sahī aur nahīñ aur sahī

tu hai harjai to apna bhi yahi taur sahi

tu nahin aur sahi aur nahin aur sahi

tujh se ai zindagī ghabrā hī chale the ham to

par tashaffī hai ki ik dushman-e-jāñ rakhte haiñ

tujh se ai zindagi ghabra hi chale the hum to

par tashaffi hai ki ek dushman-e-jaan rakhte hain