behtar hai ab duur raho tum Tesū ke in phūloñ se

shoḳh bahut hai in kī surḳhī ā.īna dikhlā.e to

behtar hai ab dur raho tum Tesu ke in phulon se

shoKH bahut hai in ki surKHi aaina dikhlae to

galī galī meñ takalluf kī dhuul hotī hai

ab apnā shahar bhī lagtā hai ajnabī kī tarah

gali gali mein takalluf ki dhul hoti hai

ab apna shahar bhi lagta hai ajnabi ki tarah

hālāt-e-ḳhūñ-āshām se ġhāfil nahīñ lekin

ai zulm tire haath pe bai.at nahīñ karte

haalat-e-KHun-asham se ghafil nahin lekin

ai zulm tere hath pe baiat nahin karte

in daraḳhtoñ se bhī naata joḌiye

jin daraḳhtoñ kā koī saaya nahīñ

in daraKHton se bhi nata joDiye

jin daraKHton ka koi saya nahin

saikḌoñ pul bane fāsle bhī miTe

aadmī aadmī se judā hī rahā

saikDon pul bane fasle bhi miTe

aadmi aadmi se juda hi raha