apne gale pe chaltī chhurī kā bhī dhyān rakh

vo tez hai yā kund zarā dhaar dekh le

apne gale pe chalti chhuri ka bhi dhyan rakh

wo tez hai ya kund zara dhaar dekh le

fursat ho to ye jism bhī miTTī meñ dabā do

lo phir maiñ zamāñ aur makāñ se nikal aayā

fursat ho to ye jism bhi miTTi mein daba do

lo phir main zaman aur makan se nikal aaya

gumāñ na thā ki lifāfe meñ ḳhat ke badle vo

lahū-luhān taḌaptī zabān rakh degā

guman na tha ki lifafe mein KHat ke badle wo

lahu-luhan taDapti zaban rakh dega

un kī yaad meñ bahte aañsū ḳhushk agar ho jā.eñge

saat samundar apnī ḳhālī ā.ankhoñ meñ bhar lā.ūñgā

un ki yaad mein bahte aansu KHushk agar ho jaenge

sat samundar apni KHali aaankhon mein bhar launga

uThā hī laayā sabhī rāste vo kāñdhoñ par

yaqīn us pe na kartā to maiñ kidhar jaatā

uTha hi laya sabhi raste wo kandhon par

yaqin us pe na karta to main kidhar jata