tez havā ne kar diyā paidā phir bikhrāv

patte TūTeñ peḌ se baḌhtā jaa.e lagāv

tez hawa ne kar diya paida phir bikhraw

patte TuTen peD se baDhta jae lagaw

tez havā ne chhīn liyā un kā har ehsās

peḌoñ ke ham-rāh hī saa.e hue udaas

tez hawa ne chhin liya un ka har ehsas

peDon ke ham-rah hi sae hue udas

khel khel meñ haath se gayā khilaunā chhūT

gayā khilaune kī tarah bachche kā dil TuuT

khel khel mein hath se gaya khilauna chhuT

gaya khilaune ki tarah bachche ka dil TuT

guzre vaqtoñ kī tarah mujhe na jaanā bhuul

dil kī kitāb meñ rakkhā hai maiñ ne bhī ik phuul

guzre waqton ki tarah mujhe na jaana bhul

dil ki kitab mein rakkha hai main ne bhi ek phul