ye bastī hai raḳhnoñ kī jīvan nahīñ sapāT

ḳhair ke naam pe ai zabāñ shar ke talve chaaT

ye basti hai raKHnon ki jiwan nahin sapaT

KHair ke nam pe ai zaban shar ke talwe chaT

be-daulat ke shahr meñ kaun hai daulat-mand

saarī ḳhilqat asl meñ miTTī kā paivand

be-daulat ke shahr mein kaun hai daulat-mand

sari KHilqat asl mein miTTi ka paiwand

gaañv kī gorī dosto jab se huī javān

nis-din baniyā hoñToñ par pher rahā hai zabān

ganw ki gori dosto jab se hui jawan

nis-din baniya honTon par pher raha hai zaban

chauñk uThegī niiñd se aaj har ik shāh-rāh

mulāzimoñ kī jeb meñ bajtī hai tanḳhvāh

chaunk uThegi nind se aaj har ek shah-rah

mulazimon ki jeb mein bajti hai tanKHwah