jo terī bazm se uTThā vo is tarah uTThā

kisī kī aañkh meñ aañsū kisī ke dāman meñ

jo teri bazm se uTTha wo is tarah uTTha

kisi ki aankh mein aansu kisi ke daman mein

ye bhī ik raat kaT hī jā.egī

sub.h-e-fardā kī muntazir hai nigāh

ye bhi ek raat kaT hi jaegi

subh-e-farda ki muntazir hai nigah

apnī ḳhuddārī salāmat dil kā aalam kuchh sahī

jis jagah se uTh chuke haiñ us jagah phir jaa.eñ kyā

apni KHuddari salamat dil ka aalam kuchh sahi

jis jagah se uTh chuke hain us jagah phir jaen kya

khīñch bhī lījiye achchhā to hai tasvīr-e-junūñ

aap kī bazm meñ kyā jāniye kal hoñ ki na hoñ

khinch bhi lijiye achchha to hai taswir-e-junun

aap ki bazm mein kya jaaniye kal hon ki na hon

kahī kisī se na rūdād-e-zindagī maiñ ne

guzār dene kī shai thī guzār dī maiñ ne

kahi kisi se na rudad-e-zindagi main ne

guzar dene ki shai thi guzar di main ne