خدا نے منہ میں زبان دی ہے تو شکر یہ ہے کہ منہ سے بولو

کہ کچھ دنوں میں نہ منہ رہے گا نہ منہ میں چلتی زباں رہے گی

شب فراق کا چھایا ہوا ہے رعب ایسا

بلا بلا کے تھکے ہم قضا نہیں آئی

ہم رو رو اشک بہاتے ہیں وہ طوفاں بیٹھے اٹھاتے ہیں

یوں ہنس ہنس کر فرماتے ہیں کیوں مرد کا نام ڈبوتا ہے

انجام خوشی کا دنیا میں سچ کہتے ہو غم ہوتا ہے

ثابت ہے گل اور شبنم سے جو ہنستا ہے وہ روتا ہے

شہبازؔ میں عیب ہی نہیں کل

ایک آدھ کوئی ہنر بھی ہوگا

دل تو دل افعئ گیسو وہ بلا ہے کافر

اس کا کاٹا کوئی افعی بھی نہ پانی مانگے

مٹی کا ہی گھر نہ ہوگا برباد

مٹی ترے تن کا گھر بھی ہوگا