hujūm-e-gul meñ rahe ham hazār dast darāz

sabā-nafas the kisī par girāñ nahīñ guzre

hujum-e-gul mein rahe hum hazar dast daraaz

saba-nafas the kisi par giran nahin guzre

ai dost is zamān-o-makāñ ke azaab meñ

dushman hai jo kisī ko duā-e-hayāt de

ai dost is zaman-o-makan ke azab mein

dushman hai jo kisi ko dua-e-hayat de

numūd un kī bhī daur-e-subū meñ thī kal raat

abhī jo daur-e-tah-e-āsmāñ nahīñ guzre

numud un ki bhi daur-e-subu mein thi kal raat

abhi jo daur-e-tah-e-asman nahin guzre

vo tamāshā huuñ hazāroñ mire ā.īne haiñ

ek ā.īne se mushkil hai ayaañ ho jā.ūñ

wo tamasha hun hazaron mere aaine hain

ek aaine se mushkil hai ayan ho jaun