ham buzurgoñ kī rivāyat se juḌe haiñ bhaa.ī

nekiyāñ kar ke kabhī phal nahīñ māñgā karte

hum buzurgon ki riwayat se juDe hain bhai

nekiyan kar ke kabhi phal nahin manga karte

nafratoñ kā aks bhī paḌne na denā zehan par

ye añdherā jaane kitnoñ kā ujālā khā gayā

nafraton ka aks bhi paDne na dena zehan par

ye andhera jaane kitnon ka ujala kha gaya

safar anjām tak pahuñche to kaise

maiñ apne rāste meñ ḳhud khaḌā huuñ

safar anjam tak pahunche to kaise

main apne raste mein KHud khaDa hun

har taraf phailā huā be-samt be-manzil safar

bhiiḌ meñ rahnā magar ḳhud ko akelā dekhnā

har taraf phaila hua be-samt be-manzil safar

bhiD mein rahna magar KHud ko akela dekhna

sabhī zaḳhmoñ ke Tāñke khul ga.e haiñ

hameñ hañsnā bahut mahñgā paḌā hai

sabhi zaKHmon ke Tanke khul gae hain

hamein hansna bahut mahnga paDa hai

vo mausamoñ par uchhāltā hai savāl kitne

kabhī to yuuñ ho ki āsmāñ se javāb barse

wo mausamon par uchhaalta hai sawal kitne

kabhi to yun ho ki aasman se jawab barse

kabhī zamāna thā us kī talab meñ rahte the

aur ab ye haal hai ḳhud ko usī se māñgte haiñ

kabhi zamana tha us ki talab mein rahte the

aur ab ye haal hai KHud ko usi se mangte hain

us ke va.ade ke evaz de Daalī apnī zindagī

ek sastī shai kā ūñche bhaav saudā kar liyā

us ke wade ke ewaz de Dali apni zindagi

ek sasti shai ka unche bhaw sauda kar liya

ek saa.e kī talab meñ zindagī pahuñchī yahāñ

duur tak phailā huā hai mujh meñ manzar dhuup kā

ek sae ki talab mein zindagi pahunchi yahan

dur tak phaila hua hai mujh mein manzar dhup ka

ye biphartī mauj andeshe samundar aur maiñ

Dūbtī sāñseñ hathelī par mirā sar aur maiñ

ye bipharti mauj andeshe samundar aur main

Dubti sansen hatheli par mera sar aur main