palkeñ haiñ ki sargoshī meñ ḳhushbū kā safar hai

āñkhoñ kī ḳhamoshī hai ki āvāz kā chehra

palken hain ki sargoshi mein KHushbu ka safar hai

aankhon ki KHamoshi hai ki aawaz ka chehra

maiñ vaqt ke kohrām meñ kho jā.ūñ to kyā ġham

DhūñDegā zamāna mirī āvāz kā chehra

main waqt ke kohram mein kho jaun to kya gham

DhunDega zamana meri aawaz ka chehra

paanī kī maujoñ pe likkhī hai lamhoñ kī be-rūh kahānī

kyā paayā hai kyā khoyā hai maiñ sadiyoñ se khoj rahā huuñ

pani ki maujon pe likkhi hai lamhon ki be-ruh kahani

kya paya hai kya khoya hai main sadiyon se khoj raha hun

simTe rahe to dard kī tanhā.iyāñ milīñ

jab khul ga.e to dahr kī rusvā.iyāñ milīñ

simTe rahe to dard ki tanhaiyan milin

jab khul gae to dahr ki ruswaiyan milin