kahte haiñ ishq kā anjām burā hotā hai

ab to kuchh bhī ho mohabbat kā nibhānā hai hameñ

kahte hain ishq ka anjam bura hota hai

ab to kuchh bhi ho mohabbat ka nibhana hai hamein

ḳhalish-e-ishq se bachpan hai dil ek taraf

is pe yā-rab ġham-e-hastī bhī uThānā hai hameñ

KHalish-e-ishq se bachpan hai dil ek taraf

is pe ya-rab gham-e-hasti bhi uThana hai hamein

yaad meñ terī do-ālam ko bhulānā hai hameñ

umr bhar ab kahīñ aanā hai na jaanā hai hameñ

yaad mein teri do-alam ko bhulana hai hamein

umr bhar ab kahin aana hai na jaana hai hamein

ab bhī ḳhudā-parast hai dair-o-haram kī qaid meñ

haa.e nigāh-e-nā-rasā haa.e mazāq-e-nā-tamām

ab bhi KHuda-parast hai dair-o-haram ki qaid mein

hae nigah-e-na-rasa hae mazaq-e-na-tamam

ḳhūbī o shān-e-dilbarī ġhamza-o-nāz hī nahīñ

husn meñ vo adā bhī hai jis kā nahīñ hai koī kaam

KHubi o shan-e-dilbari ghamza-o-naz hi nahin

husn mein wo ada bhi hai jis ka nahin hai koi kaam

tā.ir-e-ḳhasta-bāl ko daam bhī kunj-e-āshiyāñ

murġh-e-chaman-navard ko gosha-e-āshiyāñ bhī daam

tair-e-KHasta-baal ko dam bhi kunj-e-ashiyan

murgh-e-chaman-naward ko gosha-e-ashiyan bhi dam