ghazab kiya tere wade pe etibar kiya

Dagh Dehlvi

ghazab kiya tere wade pe etibar kiya

Dagh Dehlvi

MORE BY Dagh Dehlvi

    ġhazab kiyā tire va.ade pe e'tibār kiyā

    tamām raat qayāmat intizār kiyā

    kisī tarah jo na us but ne e'tibār kiyā

    mirī vafā ne mujhe ḳhuub sharmsār kiyā

    hañsā hañsā ke shab-e-vasl ashk-bār kiyā

    tasalliyāñ mujhe de de ke be-qarār kiyā

    ye kis ne jalva hamāre sar-e-mazār kiyā

    ki dil se shor uThā haa.e be-qarār kiyā

    sunā hai teġh ko qātil ne āb-dār kiyā

    agar ye sach hai to be-shubah ham pe vaar kiyā

    na aa.e raah pe vo ijz be-shumār kiyā

    shab-e-visāl bhī maiñ ne to intizār kiyā

    tujhe to vāda-e-dīdār ham se karnā thā

    ye kyā kiyā ki jahāñ ko umīd-vār kiyā

    ye dil ko taab kahāñ hai ki ho ma.āl-andesh

    unhoñ ne va.ada kiyā is ne e'tibār kiyā

    kahāñ sabr ki dam par hai ban ga.ī zālim

    ba tañg aa.e to hāl-e-dil āshkār kiyā

    taḌap phir ai dil-e-nādāñ ki ġhair kahte haiñ

    aḳhīr kuchh na banī sabr iḳhtiyār kiyā

    mile jo yaar shoḳhī se us bechainī

    tamām raat dil-e-muztarib ko pyaar kiyā

    bhulā bhulā ke jatāyā hai un ko rāz-e-nihāñ

    chhupā chhupā ke mohabbat ko āshkār kiyā

    na us ke dil se miTāyā ki saaf ho jaatā

    sabā ne ḳhaak pareshāñ mirā ġhubār kiyā

    ham aise mahv-e-nazāra na the jo hosh aatā

    magar tumhāre taġhāful ne hoshyār kiyā

    hamāre siine meñ jo rah ga.ī thī ātish-e-hijr

    shab-e-visāl bhī us ko na ham-kanār kiyā

    raqīb o sheva-e-ulfat ḳhudā qudrat hai

    vo aur ishq bhalā tum ne e'tibār kiyā

    zabān-e-ḳhār se niklī sadā-e-bismillāh

    junūñ ko jab sar-e-shorīda par savār kiyā

    tirī nigah ke tasavvur meñ ham ne ai qātil

    lagā lagā ke gale se chhurī ko pyaar kiyā

    ġhazab thī kasrat-e-mahfil ki maiñ ne dhoke meñ

    hazār baar raqīboñ ko ham-kanār kiyā

    huā hai koī magar us chāhne vaalā

    ki āsmāñ ne tirā sheva iḳhtiyār kiyā

    na pūchh dil haqīqat magar ye kahte haiñ

    vo be-qarār rahe jis ne be-qarār kiyā

    jab un ko tarz-e-sitam aa ga.e to hosh aayā

    burā ho dil bure vaqt hoshyār kiyā

    fasāna-e-shab-e-ġham un ko ik kahānī thī

    kuchh e'tibār kiyā kuchh na e'tibār kiyā

    asīrī dil-e-āshufta rañg ke rahī

    tamām turra-e-tarrār taar taar kiyā

    kuchh aa ga.ī dāvar-e-mahshar se hai ummīd mujhe

    kuchh aap ne mire kahne e'tibār kiyā

    kisī ke ishq-e-nihāñ meñ ye bad-gumānī thī

    ki Darte Darte ḳhudā par bhī āshkār kiyā

    falak se taur qayāmat ke ban na paḌte the

    aḳhīr ab tujhe āshob-e-rozgār kiyā

    vo baat kar jo kabhī āsmāñ se ho na sake

    sitam kiyā to baḌā ne iftiḳhār kiyā

    banegā mehr-e-qayāmat bhī ek ḳhāl-e-siyāh

    jo chehra 'dāġh'-e-siyah-rū ne āshkār kiyā

    ghazab kiya tere wade pe e'tibar kiya

    tamam raat qayamat ka intizar kiya

    kisi tarah jo na us but ne e'tibar kiya

    meri wafa ne mujhe KHub sharmsar kiya

    hansa hansa ke shab-e-wasl ashk-bar kiya

    tasalliyan mujhe de de ke be-qarar kiya

    ye kis ne jalwa hamare sar-e-mazar kiya

    ki dil se shor uTha hae be-qarar kiya

    suna hai tegh ko qatil ne aab-dar kiya

    agar ye sach hai to be-shubah hum pe war kiya

    na aae rah pe wo ijz be-shumar kiya

    shab-e-visal bhi main ne to intizar kiya

    tujhe to wada-e-didar hum se karna tha

    ye kya kiya ki jahan ko umid-war kiya

    ye dil ko tab kahan hai ki ho maal-andesh

    unhon ne wada kiya is ne e'tibar kiya

    kahan ka sabr ki dam par hai ban gai zalim

    ba tang aae to haal-e-dil aashkar kiya

    taDap phir ai dil-e-nadan ki ghair kahte hain

    aKHir kuchh na bani sabr iKHtiyar kiya

    mile jo yar ki shoKHi se us ki bechaini

    tamam raat dil-e-muztarib ko pyar kiya

    bhula bhula ke jataya hai un ko raaz-e-nihan

    chhupa chhupa ke mohabbat ko aashkar kiya

    na us ke dil se miTaya ki saf ho jata

    saba ne KHak pareshan mera ghubar kiya

    hum aise mahw-e-nazara na the jo hosh aata

    magar tumhaare taghaful ne hoshyar kiya

    hamare sine mein jo rah gai thi aatish-e-hijr

    shab-e-visal bhi us ko na ham-kanar kiya

    raqib o shewa-e-ulfat KHuda ki qudrat hai

    wo aur ishq bhala tum ne e'tibar kiya

    zaban-e-KHar se nikli sada-e-bismillah

    junun ko jab sar-e-shorida par sawar kiya

    teri nigah ke tasawwur mein hum ne ai qatil

    laga laga ke gale se chhuri ko pyar kiya

    ghazab thi kasrat-e-mahfil ki main ne dhoke mein

    hazar bar raqibon ko ham-kanar kiya

    hua hai koi magar us ka chahne wala

    ki aasman ne tera shewa iKHtiyar kiya

    na puchh dil ki haqiqat magar ye kahte hain

    wo be-qarar rahe jis ne be-qarar kiya

    jab un ko tarz-e-sitam aa gae to hosh aaya

    bura ho dil ka bure waqt hoshyar kiya

    fasana-e-shab-e-gham un ko ek kahani thi

    kuchh e'tibar kiya kuchh na e'tibar kiya

    asiri dil-e-ashufta rang la ke rahi

    tamam turra-e-tarrar tar tar kiya

    kuchh aa gai dawar-e-mahshar se hai ummid mujhe

    kuchh aap ne mere kahne ka e'tibar kiya

    kisi ke ishq-e-nihan mein ye bad-gumani thi

    ki Darte Darte KHuda par bhi aashkar kiya

    falak se taur qayamat ke ban na paDte the

    aKHir ab tujhe aashob-e-rozgar kiya

    wo baat kar jo kabhi aasman se ho na sake

    sitam kiya to baDa tu ne iftiKHar kiya

    banega mehr-e-qayamat bhi ek KHal-e-siyah

    jo chehra 'dagh'-e-siyah-ru ne aashkar kiya

    Videos
    This video is playing from YouTube

    Videos
    This video is playing from YouTube

    Tahira Syed

    Tahira Syed

    Mohammad Rafi

    Mohammad Rafi

    Mehdi Hasan

    Mehdi Hasan

    0
    COMMENT
    COMMENTS
    VIEW COMMENTS

    Critique mode ON

    Tap on any word to submit a critique about that line. Word-meanings will not be available while you’re in this mode.

    OKAY

    SUBMIT CRITIQUE

    NAME

    E-MAIL

    COMMENT

    Thanks, for your feedback

    Critique draft saved

    EDIT DISCARD

    CRITIQUE MODE ON

    TURN OFF

    Discard saved critique?

    CANCEL DISCARD

    CRITIQUE MODE ON - Click on a line of text to critique

    TURN OFF

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites