baaqī hī kyā rahā hai tujhe māñgne ke baad

bas ik duā meñ chhūT ga.e har duā se ham

baqi hi kya raha hai tujhe mangne ke baad

bas ek dua mein chhuT gae har dua se hum

ishq ke marāhil meñ vo bhī vaqt aatā hai

āfateñ barastī haiñ dil sukūn paatā hai

ishq ke marahil mein wo bhi waqt aata hai

aafaten barasti hain dil sukun pata hai

kitnī pāmāl umañgoñ kā hai madfan mat pūchh

vo tabassum jo haqīqat meñ fuġhāñ hotā hai

kitni pamal umangon ka hai madfan mat puchh

wo tabassum jo haqiqat mein fughan hota hai

sabaq milā hai ye apnoñ kā tajraba kar ke

vo log phir bhī ġhanīmat haiñ jo parā.e haiñ

sabaq mila hai ye apnon ka tajraba kar ke

wo log phir bhi ghanimat hain jo parae hain

us ke vādoñ se itnā to sābit huā us ko thoḌā sā pās-e-ta.alluq to hai

ye alag baat hai vo hai vāda-shikan ye bhī kuchh kam nahīñ us ne vaade kiye

us ke wadon se itna to sabit hua us ko thoDa sa pas-e-talluq to hai

ye alag baat hai wo hai wada-shikan ye bhi kuchh kam nahin us ne wade kiye