kahīñ vo aa ke miTā deñ na intizār kā lutf

kahīñ qubūl na ho jaa.e iltijā merī

kahin wo aa ke miTa den na intizar ka lutf

kahin qubul na ho jae iltija meri

jab pyaar nahīñ hai to bhulā kyuuñ nahīñ dete

ḳhat kis liye rakkhe haiñ jalā kyuuñ nahīñ dete

jab pyar nahin hai to bhula kyun nahin dete

KHat kis liye rakkhe hain jala kyun nahin dete

ham rātoñ ko uTh uTh ke jin ke liye rote haiñ

vo ġhair kī bāñhoñ meñ ārām se sote haiñ

hum raaton ko uTh uTh ke jin ke liye rote hain

wo ghair ki banhon mein aaram se sote hain

kis vāste likkhā hai hathelī pe mirā naam

maiñ harf-e-ġhalat huuñ to miTā kyuuñ nahīñ dete

kis waste likkha hai hatheli pe mera nam

main harf-e-ghalat hun to miTa kyun nahin dete

ḳhudā jaane kis kis kī ye jaan legī

vo qātil adā vo qazā mahkī mahkī

KHuda jaane kis kis ki ye jaan legi

wo qatil ada wo qaza mahki mahki

ye kis ne kahā hai mirī taqdīr banā de

aa apne hī hāthoñ se miTāne ke liye aa

ye kis ne kaha hai meri taqdir bana de

aa apne hi hathon se miTane ke liye aa

dīvār hai duniyā ise rāhoñ se haTā de

har rasm-e-mohabbat ko miTāne ke liye aa

diwar hai duniya ise rahon se haTa de

har rasm-e-mohabbat ko miTane ke liye aa