zindagī tujh se har ik saañs pe samjhautā karūñ

shauq jiine kā hai mujh ko magar itnā bhī nahīñ

zindagi tujh se har ek sans pe samjhauta karun

shauq jine ka hai mujh ko magar itna bhi nahin

vatan kī ret zarā eḌiyāñ ragaḌne de

mujhe yaqīñ hai ki paanī yahīñ se niklegā

watan ki ret zara eDiyan ragaDne de

mujhe yaqin hai ki pani yahin se niklega

kuchh na kahne se bhī chhin jaatā hai ejāz-e-suḳhan

zulm sahne se bhī zālim kī madad hotī hai

kuchh na kahne se bhi chhin jata hai ejaz-e-suKHan

zulm sahne se bhi zalim ki madad hoti hai

har shaḳhs par kiyā na karo itnā e'timād

har sāya-dār shai ko shajar mat kahā karo

har shaKHs par kiya na karo itna e'timad

har saya-dar shai ko shajar mat kaha karo

jabhī to umr se apnī ziyāda lagtā huuñ

baḌā hai mujh se ka.ī saal tajraba merā

jabhi to umr se apni ziyaada lagta hun

baDa hai mujh se kai sal tajraba mera