vo ko.ii dost thaa achchhe dino.n kaa jo pichhlii raat se yaad aa rahaa hai

dayaar-e-dil kii raat me.n charaaG saa jalaa gayaa milaa nahii.n to kyaa hu.aa vo shakl to dikhaa gayaa vo dostii to KHair ab nasiib-e-dushmanaa.n hu.ii vo chhoTii chhoTii ranjisho.n kaa lutf bhii chalaa gayaa judaa.iyo.n ke zaKHm dard-e-zindagii ne bhar diye tujhe bhii nii.nd aa ga.ii mujhe bhii sabr aa gayaa pukaartii hai.n fursate.n kahaa.n ga.ii.n vo sohbate.n zamii.n nigal ga.ii unhe.n ki aasmaan khaa gayaa ye sub.h kii safediyaa.n ye dopahar kii zardiyaa.n ab aa.ine me.n dekhtaa huu.n mai.n kahaa.n chalaa gayaa ye kis KHushii kii ret par Gamo.n ko nii.nd aa ga.ii vo lahr kis taraf ga.ii ye mai.n kahaa.n samaa gayaa ga.e dino.n kii laash par pa.De rahoge kab talak alam-kasho uTho ki aaftaab sar pe aa gayaa

hamaare ghar kii diivaaro.n pe 'naasir' udaasii baal khole so rahii hai

aarzuu hai ki tuu yahaa.n aa.e aur phir umr bhar na jaa.e kahii.n

vo ko.ii dost thaa achchhe dino.n kaa jo pichhlii raat se yaad aa rahaa hai

is shahr-e-be-charaaG me.n jaa.egii tuu kahaa.n aa ai shab-e-firaaq tujhe ghar hii le chale.n

ai dost ham ne tark-e-mohabbat ke baavajuud mahsuus kii hai terii zaruurat kabhii kabhii

raat kitnii guzar ga.ii lekin itnii himmat nahii.n ki ghar jaa.e.n

us ne manzil pe laa ke chho.D diyaa umr bhar jis kaa raastaa dekhaa

vo ko.ii dost thaa achchhe dino.n kaa jo pichhlii raat se yaad aa rahaa hai